Fjárlög 2005.
Frsm. meiri hluta fjárln. (Magnús Stefánsson) (F) (andsvar):
Hæstv. forseti. Ég vil byrja á að leiðrétta hv. þingmann. Ég mælti ekki fyrir nefndaráliti. Það hefur ekki verið borið fram.
Varðandi það sem hann kallar niðurskurð í samgöngumálum þá er þar um að ræða frestun framkvæmda eins og málið hefur verið lagt upp. Það er ekki til að mæta skattalækkunum heldur til að mæta þensluáhrifum í efnahagslífinu eins og við vitum og höfum fjallað um. Ég veit ekki betur en að vegáætlun sé í vinnslu. Það er ekki eitt af verkefnum fjárlaganefndar að vinna að vegáætlun. Það mál er í höndum samgönguráðherra eins og hv. þingmaður veit og ég get því miður ekki svarað fyrir hans hönd við þessa umræðu.