Vatnalög.
Hæstv. forseti. Að lokinni þessari atkvæðagreiðslu, sem fyrirsjáanlegt er hvernig fer, hefst nýr kapítuli í baráttunni um vatnið. Þeim kafla lýkur með alþingiskosningunum árið 2007. Þá verður kosið um hvort halda eigi áfram á leiðinni sem ríkisstjórnin hefur markað, að einkavæða allar auðlindir til lands og sjávar.
Þetta frumvarp lýtur að einni auðlind sérstaklega, og ekki hinni ómerkustu, vatninu. Með þessu frumvarpi er búið í haginn fyrir einkavæðingu á vatni. Baráttunni um vatnið er ekki lokið.