Stofnun hlutafélags um Rafmagnsveitur ríkisins.
Herra forseti. Ég vil þakka fyrir þau svör sem ég hef fengið nú þegar en mig langar að spyrja hv. þm. Ögmund Jónasson frekar um þennan breytta stjórnunarstrúktúr í fyrirtækjum, þ.e. þegar þau hafa verið háeffvædd. Hefur BSRB og aðrir aðilar reynt að greina hvernig stjórnunarstrúktúr fyrirtækja verður með öðrum hætti hjá fyrirtækjum á samkeppnismarkaði eins og Rarik hf. mun verða? Þau verða í samkeppni um sölu og afhendingu á orku, það er samkeppni um afhendingaröryggi og afhendingu á þeirri orku sem menn eru að kaupa og þá á ég við spennu. Mig langar að spyrja hann áfram um þetta: Hefur hv. þingmaður skoðað þetta? Hver er aðalástæðan fyrir því að verið er að flytja fjölmörg fyrirtæki eða stofnanir ríkisins yfir í hf.?