132. löggjafarþing — 98. fundur, 3. apr. 2006.
Greiðslur til foreldra langveikra barna.
389. mál
Frú forseti. Við greiðum atkvæði um frumvarp til laga um greiðslur til foreldra langveikra barna. Hér er í fyrsta skipti gripið til sértækra aðgerða til að aðstoða þennan hóp fólks sem mér finnst mjög jákvætt og ég styð það. Auk þess hafa sjúkrasjóðir stéttarfélaganna gert stórátak í að bæta stöðu þessa fólks þannig að hér er stigið mjög mikilvægt skref til framfara og ég segi já.