Gegnumlýsingartæki fyrir tollgæsluna.
Hæstv. forseti. Ég vil þakka hv. þm. Guðmundi Hallvarðssyni fyrir að bera upp þessa fyrirspurn til fjármálaráðherra. Ég tel mikilvægt að sú vinna sem hann gat um að færi fram á vegum tollstjórans í Reykjavík gangi eins hratt og hægt er. Margt gott er gert og verið að hækka fjárframlög vegna fíkniefnasmygls. Ég vil geta þess að undir lið 09-262 fóru 21,8 millj. kr. í sérstakt átak. Eins er varið í sérstakt átak 4,6 millj. kr. á lið 03-201 til sýslumannsins í Keflavík.
Ég legg áherslu á að við reynum allt sem við getum til að sporna við innflutningi eiturlyfja. Það er afskaplega brýnt. Að lokum vil ég nefna að gert hefur verið sérstakt átak í að fjölga fíkniefnahundum sem hefur skilað góðum árangri. Það eru ódýr tæki.