Starfsmannaleigur.
Frú forseti. Á þskj. 533 er breytingartillaga frá hv. þm. Ögmundi Jónassyni og fleirum þar sem tekið er fram að lögin taki til erlendra starfsmanna. Hvernig ber að skilja það að þeir gera mun á erlendu fólki og innlendu?
Í fyrra andsvari mínu í dag gat ég um ummæli Grétars Þorsteinssonar, forseta Alþýðusambands Íslands, um að ekki mætti gera breytingar á þessu frumvarpi. Nú er hv. þm. Ögmundur Jónasson formaður BSRB. Getur maður litið svo á að um sé að ræða íhlutun eins verkalýðsfélags í starfsemi annars og samninga sem það gerir?