Hæstv. forseti. Ég ítreka það sem kemur fram í frumvarpinu, sem var niðurstaða þess starfshóps sem vann undirbúningsvinnuna að því, að fylgja fyrri lögmætum ákvörðunum, fylgja hæstu einkunnaflokkum í rammaáætlun sem grunni og starfa þannig áfram á þessu millibilstímabili, fjögurra ára tímabili. En ég endurtek að eftir er að taka fjöldamargar ákvarðanir. Flest í þessum verkefnum sem við erum að tala um er óstaðfest, er háð samþykki, staðfestingum og skipulagsvinnu í sveitarfélögum, a.m.k. á einum stað með allsherjaratkvæðagreiðslu. Ég veit ekki hvernig verður á öðrum stöðum. Það er því engin ástæða til að hlaupa upp í hræðslufár út af því.