Aðrar útgáfur af skjalinu: PDF - Word Perfect. Ferill 421. máls.

---

133. löggjafarþing 2006–2007.
Þskj. 496  —  421. mál.

Fyrirspurn

til fjármálaráðherra um skatttekjur ríkis og sveitarfélaga.

Frá Jóhönnu Sigurðardóttur.

     1.      Hver hefur verið hlutur ríkisins annars vegar og sveitarfélaga hins vegar af staðgreiðslu opinberra gjalda einstaklinga, þ.e. tekjuskatti, sérstökum tekjuskatti, fjármagnstekjuskatti og útsvari, sl. fimm ár miðað við verðlag 2006, sýnt bæði í milljörðum kr. og sem hlutfall af heildarskatttekjum af staðgreiðslunni?
     2.      Hverjar væru tekjur ríkis og sveitarfélaga af staðgreiðslu opinberra gjalda árið 2006 ef hlutfallsskipting væri sú sama og árið 2002?
     3.      Hvert er hlutfall fjármagnstekjuskatts einstaklinga af staðgreiðslu opinberra gjalda sl. fimm ár og hver eru hlutföllin í öðrum löndum OECD?
     4.      Hve háir skattar eru greiddir af fjármagnstekjum í öðrum löndum OECD? Óskað er eftir upplýsingum um eftirfarandi:
                  a.      skatta einstaklings með
                      1.      launatekjur 2.500.000 kr. og fjármagnstekjur 100.000 kr.,
                      2.      launatekjur 100.000 kr. og fjármagnstekjur 2.500.000 kr.,
                      3.      launatekjur 5.000.000 kr. og fjármagnstekjur 250.000 kr.,
                      4.      launatekjur 250.000 kr. og fjármagnstekjur 5.000.000 kr.,
                  b.      skatta hjóna með
                      1.      launatekjur 7.500.000 kr. og fjármagnstekjur 750.000 kr.,
                      2.      launatekjur 750.000 kr. og fjármagnstekjur 7.500.000 kr.,
                      3.      launatekjur 100.000 kr. og fjármagnstekjur 10.000.000 kr.,
                      4.      launatekjur 10.000.000 kr. og fjármagnstekjur 100.000 kr.
     5.      Hver er skoðun ráðherra á því að sveitarfélögin fái hlutdeild í fjármagnstekjuskatti?


Skriflegt svar óskast.