forvarnir og barátta gegn fíkniefnum.
Hæstv. forseti. Þetta er drengileg umræða sem hér hefur farið fram og ágætar ræður hjá hæstv. heilbrigðisráðherra. Hans síðustu orð voru dónaskapur, óviðeigandi og ódrengileg. (Gripið fram í: Þetta er ekki um fundarstjórn forseta.) Það skiptir ekki máli. Menn þurfa stundum að bera af sér sakir. Framsóknarflokkurinn sem flokkur hefur ekki borið áfengi í búðir. Það er rangt og það er ekki satt. Menn eiga að segja satt hér og vera drengilegir í umræðu. Framsóknarflokkurinn sem slíkur hefur á stefnuskrá sinni að áfengi fari ekki inn í matvöruverslanir. Ég vil að það komi hér skýrt fram vegna ummæla míns ágæta vinar, hæstv. heilbrigðisráðherra.