rannsóknarstofnun um utanríkis- og öryggismál.
Hæstv. forseti. Það hefur komið fram í umræðum fyrr í dag, m.a. í orðum hæstv. forseta, að vitaskuld er þörf á því að ræða um utanríkismál og upplýsa þjóðina um utanríkismál og stóra atburði utanríkissögunnar. Ég tel því að í sjálfu sér sé það verðugt verkefni að koma á laggirnar rannsóknarsetri á sviði utanríkis- og öryggismála. En ég er þeirrar skoðunar að þetta sé ekki rétti tíminn til þess að taka ákvarðanir um það að setja slíkar stofnanir á fót og þess vegna mun ég skila auðu við þessa atkvæðagreiðslu.