vantraust á ríkisstjórnina, þingrof og nýjar kosningar.
Herra forseti. Okkur er öllum ljóst að sú ríkisstjórn sem nú situr er rúin trausti. Það bíða mikil verkefni fram undan bæði uppgjör við liðna tíð og líka uppbygging á nýjum grunni. Það gerist ekki á trúverðugan hátt nema Alþingi hafi fengið nýtt umboð frá kjósendum, frá almenningi í landinu. Þess vegna tel ég það skyldu ríkisstjórnar og Alþingis að boða til kosninga svo fljótt sem verða má, eins og þessi tillaga gerir ráð fyrir, og hér sitji ríkisstjórn í endurnýjuðu umboði. Þetta snýst um traust og þetta snýst um trúnað. Sú ríkisstjórn sem nú situr hefur hann ekki. Ég segi því já við þessari tillögu, herra forseti.