136. löggjafarþing — 42. fundur, 4. des. 2008.
niðurlagning úrskurðarnefnda á sviði siglingamála.
94. mál
Frú forseti. Ég skrifa undir nefndarálitið sem hér var kynnt af hv. þm. Steinunni Valdísi Óskarsdóttur. Ég styð að úrskurðarnefndirnar séu lagðar niður enda er ég algerlega andvígur því að í stjórnsýslunni séu starfræktar úrskurðarnefndir og tel að þær séu tímaskekkja og að endurskoða eigi fyrirkomulag þeirra í stjórnsýslunni í heild sinni.