fjárlög 2009.
Herra forseti. Hér kemur til lokaafgreiðslu frumvarp til fjárlaga fyrir árið 2009. Þetta verða mjög sérstök lög ef þau verða samþykkt. Mörg atriði eru óljós, skuldbindingar sem enn eru í lausu lofti skipta hundruðum milljarða króna og enginn veit hvar þær lenda. Samt er þetta mesti niðurskurður sem átt hefur sér stað í fjárlögum á lýðveldistímanum.
Við þingmenn Vinstri grænna höfum lagt til að þessu frumvarpi verði frestað, það unnið betur í upphafi næsta árs og greiðsluheimild samþykkt. Við munum í atkvæðagreiðslu vísa á meiri hlutann varðandi ábyrgð á einstaka greinum. Að sjálfsögðu eru atriði innan frumvarpsins og í einstökum liðum þess sem við gætum vel stutt (Forseti hringir.) en frumvarpið í heild sinni er á ábyrgð ríkisstjórnarmeirihluta Sjálfstæðisflokks og Samfylkingar.