meðhöndlun úrgangs.
Frú forseti. Þar sem ég er eini fulltrúi umhverfisnefndar í þingsalnum vil ég þakka ráðherra fyrir framlögð frumvörp og vonast eftir því að þau fái góða umræðu í nefndinni.
Ég get þó ekki á mér setið og verð eiginlega að vekja athygli á þeim vinnubrögðum sem við erum farin að taka þátt í, að við séum 3–4 í þessum sal að taka á móti frumvörpunum við 1. umr. og að einungis einn fulltrúi umhverfisnefndar skuli vera í salnum þegar málin koma til kynningar.