ríkisábyrgð á lántöku Tryggingarsjóðs innstæðueigenda og fjárfesta.
Frú forseti. Ég gat þess að hér værum við að afgreiða ríkisábyrgðina. Það sem ég sagði um þetta mál er einfaldlega það sem kemur m.a. skýrt fram í breytingartillögum meiri hluta fjárlaganefndar. Þar segir í 1. gr., með leyfi forseta:
„Ríkisábyrgðin afmarkast að öðru leyti af ákvæðum samninganna og fyrirvörum þeim sem koma fram í lögum þessum. Fyrirvararnir eru óaðskiljanlegur hluti ríkisábyrgðarinnar.“
Þannig lít ég á málið og þarf ekki að bæta frekar við það sem ég sagði hér áðan.