Frú forseti. Það er ljóst að tillagan er felld og því skora ég á hv. formann iðnaðarnefndar að róa að því öllum árum að títtnefndur Björgólfur Thor muni ekki eiga hlut í þessu fyrirtæki eða þessari framkvæmd. Það er fullt af fólki sem hefur áhuga á að fjárfesta á Íslandi. Í dag var staðfest að tveir aðilar eru í gæsluvarðhaldi og við vitum ekkert hvað mun drífa á daga okkar í þessum mánuði. Mér finnst eðlilegt að á meðan að verið er að færa fólk til gæsluvarðhalds og yfirheyrslna út af bankahruninu að þetta mál verði ekki afgreitt fyrr en ljóst er hvort fyrrgreindur aðili er í þeim hópi.