Frú forseti. Ég verð alltaf var við þá tilfinningu að ákveðin lausung sé í lagasetningu á Alþingi. Þetta frumvarp ýfir upp þá tilfinningu. Þess vegna spyr ég hv. þingmann: Hvernig stóð á því að þetta frumvarp var ekki flutt samhliða þingsályktuninni þannig að menn gætu rætt það og farið í gegnum hvernig hvort hefur áhrif á annað? Þetta er með ólíkindum. Þetta er mjög óvönduð lagasetning sem er því miður allt of mikið um.