réttarstaða einstaklinga með kynáttunarvanda.
Virðulegi forseti. Hér er um frumvarp að ræða sem fagnar fjölbreytileika mannanna og leggur áherslu á mannhelgi og mannlega reisn því að með frumvarpinu eru lagðar til tillögur að úrbótum á réttarstöðu fólks með kynáttunarvanda en þær lúta fyrst og fremst að stjórnsýslu og meðferð mála fólks með kynáttunarvanda og tilhögun kynleiðréttingar og nafnabreytinga.
Nefndin hefur unnið þetta mál í fullri sátt og telur þetta vera mikla réttarbót fyrir þá einstaklinga sem frumvarpið tekur til og leggur því til að það verði samþykkt óbreytt.