kosningar til Alþingis og kosningar til sveitarstjórna.
Frú forseti. Þá vil ég halda áfram og þakka kærlega fyrir svarið. Það eru þingkosningar eftir rúmt hálft ár og mig langar að spyrja: Mun hv. þingmaður og stjórnskipunar- og eftirlitsnefnd beita sér fyrir breytingum á kosningalögunum fyrir næstu þingkosningar þannig að allir fatlaðir geti þá notið þeirrar aðstoðar sem þeir þurfa á að halda til þess einmitt að geta nýtt einn mikilvægasta rétt sinn í lýðræðissamfélagi, þ.e. að kjósa? Mun nefndin beita sér fyrir breytingum í þá veru fyrir næstu þingkosningar?