sviðslistalög.
Virðulegi forseti. Ég þakka hæstv. mennta- og menningarmálaráðherra skýr svör. Mig langar að víkja að öðru sem tengist starfsemi áhugaleikfélaga. Það er hárrétt sem fram kom í máli hæstv. ráðherra að við þingmenn höfum fengið athugasemdir frá Bandalagi íslenskra leikfélaga um þá breytingu að í frumvarpinu sé fellt brott ákvæði sem kveður á um starfsemi og stuðning við áhugaleikfélögin í landinu.
Spurning mín er þessi og mikilvægt að það liggi fyrir: Er það ekki ásetningur hæstv. ráðherra fyrir hönd stjórnvalda að áfram verði stutt myndarlega við bakið á áhugaleikfélögum í því mikilvæga starfi sem þau sinna um land allt?