Aðrar útgáfur af skjalinu: PDF - Word Perfect. Ferill 52. máls.
143. löggjafarþing 2013–2014.
Þingskjal 169 — 52. mál.
Fyrirspurnin hljóðar svo:
1. Hverjar eru áætlaðar tekjur ríkissjóðs vegna áforma um legugjöld á sjúkrahúsum á árinu 2014 og hvernig skiptast þær á einstakar stofnanir?
2. Hvaða forsendur liggja til grundvallar um fjölda legudaga og fjölda greiðenda, skipt á einstakar stofnanir?
Í eftirfarandi töflu má sjá hvernig áætlaðar tekjur ríkissjóðs af legugjöldum skiptast á einstakar stofnanir, en samtals er gert ráð fyrir að þær verði um 290 millj. kr. á árinu 2014.
Við mat á áætluðum tekjum var almennt horft til mögulegs fjölda legudaga á stofnunum að gefnum fjölda sjúkrarýma. Áætluð tekjuaukning miðast við u.þ.b. 80% nýtingu á þeim sjúkrarýmum sem eru á stofnuninni. Í töflunni má sjá þann fjölda legudaga, skipt á einstakar stofnanir, sem liggur til grundvallar.
Miðað er við að innheimta 1.200 kr. gjald fyrir hvern legudag og er gjaldinu ætlað að koma á móti svonefndum hótelkostnaði sjúkrahússins. Gjaldið er í samræmi við sólarhringsgjald sem innheimt er af sjúklingi sem dvelur á sjúkrahóteli. Á árinu 2012 var meðallengd legu á sjúkrahúsi á bilinu átta til níu dagar, en það þýðir 10–11 þús. kr. gjald fyrir legu að jafnaði. Að gefnum upplýsingum um meðallengd legu má ætla að fjöldi greiðenda gæti verið á bilinu 27–30 þúsund.
143. löggjafarþing 2013–2014.
Þingskjal 169 — 52. mál.
Svar
heilbrigðisráðherra við fyrirspurn frá Árna Þór Sigurðssyni
um áætlaðar tekjur af legugjöldum.
Fyrirspurnin hljóðar svo:
1. Hverjar eru áætlaðar tekjur ríkissjóðs vegna áforma um legugjöld á sjúkrahúsum á árinu 2014 og hvernig skiptast þær á einstakar stofnanir?
2. Hvaða forsendur liggja til grundvallar um fjölda legudaga og fjölda greiðenda, skipt á einstakar stofnanir?
Í eftirfarandi töflu má sjá hvernig áætlaðar tekjur ríkissjóðs af legugjöldum skiptast á einstakar stofnanir, en samtals er gert ráð fyrir að þær verði um 290 millj. kr. á árinu 2014.
Heiti stofnunar | Legudagar | Áætlaðar tekjur, millj. kr. |
Heilbrigðisstofnun Austurlands | 7.884 | 9,4 |
Heilbrigðisstofnun Suðausturlands | 876 | 1,0 |
Heilbrigðisstofnun Suðurlands | 7.391 | 8,8 |
Heilbrigðisstofnun Suðurnesja | 9.636 | 11,5 |
Heilbrigðisstofnun Vestfjarða | 4.380 | 5,2 |
Heilbrigðisstofnun Vesturlands | 18.590 | 22,2 |
Heilbrigðisstofnun Þingeyinga | 2.336 | 2,8 |
Heilbrigðisstofnunin Blönduósi | 876 | 1,0 |
Heilbrigðisstofnunin Fjallabyggð | 876 | 1,0 |
Heilbrigðisstofnunin Patreksfirði | 584 | 0,7 |
Heilbrigðisstofnunin Sauðárkróki | 2.044 | 2,4 |
Heilbrigðisstofnunin Vestmannaeyjum | 2.044 | 1,8 |
Landspítali | 168.760 | 199,5 |
Sjúkrahúsið á Akureyri | 18.470 | 22,1 |
Samtals | 244.747 | 289,4 |
Við mat á áætluðum tekjum var almennt horft til mögulegs fjölda legudaga á stofnunum að gefnum fjölda sjúkrarýma. Áætluð tekjuaukning miðast við u.þ.b. 80% nýtingu á þeim sjúkrarýmum sem eru á stofnuninni. Í töflunni má sjá þann fjölda legudaga, skipt á einstakar stofnanir, sem liggur til grundvallar.
Miðað er við að innheimta 1.200 kr. gjald fyrir hvern legudag og er gjaldinu ætlað að koma á móti svonefndum hótelkostnaði sjúkrahússins. Gjaldið er í samræmi við sólarhringsgjald sem innheimt er af sjúklingi sem dvelur á sjúkrahóteli. Á árinu 2012 var meðallengd legu á sjúkrahúsi á bilinu átta til níu dagar, en það þýðir 10–11 þús. kr. gjald fyrir legu að jafnaði. Að gefnum upplýsingum um meðallengd legu má ætla að fjöldi greiðenda gæti verið á bilinu 27–30 þúsund.