Ferill 758. máls. Aðrar útgáfur af skjalinu: PDF - Word Perfect.
144. löggjafarþing 2014–2015.
Þingskjal 1403 — 758. mál.
Svar
forsætisráðherra við fyrirspurn frá Katrínu Júlíusdóttur um utanlandsferðir.
Fyrirspurnin hljóðar svo:
Hversu margar utanlandsferðir hefur ráðherra farið það sem af er kjörtímabilinu? Óskað er eftir upplýsingum um tilefni, lengd og kostnað hverrar ferðar ásamt fjölda í fylgdarliði.
Ráðherra hefur á yfirstandandi kjörtímabili, frá maí 2013 til loka maí 2015, farið í eftirtaldar ferðir til útlanda í embættiserindum:
| Tilefni | Dagafjöldi | Heildarkostnaður | Fylgdarfólk |
| Leiðtogafundur Barentsráðsins, fundurinn haldinn í Kirkenæs, Noregi. | 3 | 1.038.127 | 2 |
| Fundur með forsætisráðherra Svíþjóðar, Fredrik Reinfeldt, í Stokkhólmi. | 2 | 1.200.793 | 3 |
| Fundur með forsætisráðherra Danmerkur í Kaupmannahöfn. Fer til Þórshafnar til fundar með lögmanni Færeyja. | 3 | 1.421.757 | 3 |
| Ferð til Brussel vegna funda með Barroso, Van Rompuy og Anders Fogh-Rasmussen. | 4 | 963.554 | 2 |
| Opinber heimsókn til Manitoba. Einnig þátttaka í Íslendingadegi. | 6 | 1.308.836 | 2 |
| Ráðstefna í Arendal, Noregi, hélt erindi um stöðu Norðurlandanna í Evrópu. Tvíhliða fundir með leiðtogum norskra stjórnmálaflokka. | 4 | 487.025 | 1 |
| Leiðtogafundur Norðurlandanna með Barack Obama Bandaríkjaforseta. | 3 | 654.915 | 2 |
| Vinnuheimsókn til Bretlands – forsætisráðherra aðalræðumaður á viðskiptaráðstefnu og fundur með utanríkisráðherra Bretlands. | 3 | 1.065.910 | 3 |
| Norðurlandaráðsþing og tengdir ráðherrafundir. Forsætisráðherra afhendir einnig forsætisráðherra Noregs þjóðargjöf Íslendinga til Norðmanna í tilefni af því að árið 2005 voru 100 ár liðin frá endurreisn norska konungsdæmisins. | 3 | 970.505 | 3 |
| Ferð til Edmonton, Kanada, í tilefni af fyrsta flugi Icelandair til borgarinnar og tvíhliða fundur með forsætisráðherra Alberta. | 4 | 165.270 | 2 |
| Alþjóðlegt þing frjálslyndra flokka og tvíhliða fundur með forsætisráðherra Hollands. | 4 | 898.973 | 2 |
| Ferð vegna 20 ára afmælis EES-samningsins og hátíðarkvöldverður EFTA- dómstólsins í Lúxemborg. | 2 | 461.334 | 1 |
| Leiðtogafundur NATO, haldinn í Newport. | 4 | 791.966 | 2 |
| Ráðherravika 69. allsherjarþings, leiðtogafundur um loftslagsmál. New York. | 6 | 1.949.340 | 3 |
| Forsætisráðherra sækir 66. þing Norðurlandaráðs í Stokkhólmi og situr ráðherrafundi. | 4 | 779.246 | 2 |
| Northern Future Forum Norðurlanda, Eystrasaltsríkja og Bretlands, haldið í Helsinki. | 3 | 995.509 | 3 |
| Ráðstefna í St. Gallen og ráðherrafundir í Sviss og fundir með forsætisráðherra Liechtenstein og öðrum ráðamönnum. | 4 | 1.574.452 | 3 |
