Ferill 863. máls. Aðrar útgáfur af skjalinu: PDF - Word Perfect.
145. löggjafarþing 2015–2016.
Prentað upp.
Þingskjal 1656 — 863. mál.
Greinarnúmer.
2. umræða.
Nefndarálit með breytingartillögu
um frumvarp til laga um breytingu á lögum um stjórn fiskveiða, nr. 116/2006, með síðari breytingum (síld og makríll).
Frá atvinnuveganefnd.
Nefndin hefur fjallað um málið og leggur til orðalagsbreytingu á b-lið 1. gr. frumvarpsins.
Í ákvæði til bráðabirgða VIII í lögum um stjórn fiskveiða er kveðið á um að gjald fyrir aflaheimildir samkvæmt ákvæðinu sé 8 kr. fyrir hvert kg af síld eða makríl. Í frumvarpinu er hins vegar lagt til að verð fyrir aflaheimildirnar nemi sömu fjárhæð og veiðigjald fyrir þessar tegundir er hverju sinni, sbr. lög um veiðigjald nr. 74/2012. Til viðbótar er veiðigjald lagt á samkvæmt lögum um veiðigjald og breytir frumvarpið engu þar um en lögð er til orðalagsbreyting til áréttingar.
Nefndin leggur til að frumvarpið verði samþykkt með eftirfarandi
BREYTINGU:
B-liður 1. gr. orðist svo: 1. málsl. 3. mgr. orðast svo: Verð á aflaheimildum í síld og makríl skv. 1. mgr. skal á hverjum tíma nema sömu fjárhæð og veiðigjald fyrir síld og makríl samkvæmt lögum um veiðigjald, nr. 74/2012.
Jón Gunnarsson, Björt Ólafsdóttir og Kristján L. Möller voru fjarverandi við afgreiðslu málsins.
Alþingi, 12. september 2016.
| Lilja Rafney Magnúsdóttir, 1. varaform. |
Páll Jóhann Pálsson, frsm. |
Haraldur Benediktsson. |
| Ásmundur Friðriksson. | Þorsteinn Sæmundsson. | Þórunn Egilsdóttir. |
