Ferill 384. máls. Aðrar útgáfur af skjalinu: PDF - Word Perfect.
145. löggjafarþing 2015–2016.
Þingskjal 1717 — 384. mál.
2. umræða.
Breytingartillaga
við frumvarp til laga um breytingu á lögum um vexti og verðtryggingu, lögum um Seðlabanka Íslands og lögum um neytendalán (erlend lán, varúðarreglur).
Frá minni hluta efnahags- og viðskiptanefndar (BN, SÁA, VilB).
Á eftir 10. gr. komi ný grein sem orðist svo:
Á eftir 33. gr. laganna kemur ný grein, 33. gr. a, sem orðast svo, ásamt fyrirsögn:
Lán sem tengjast erlendum gjaldmiðlum.
Í ábendingu skv. 1. mgr. skal koma fram, eftir því sem við á:
1. Breyting á reglulegum endurgreiðslum og heildarfjárhæð sem neytandi skal greiða.
2. Upplýsingar um rétt eða skyldu neytanda til að breyta eftirstöðvum lánsins í annan gjaldmiðil við tilteknar aðstæður.
3. Upplýsingar um tryggingar eða aðrar varnir, sbr. c-lið 10. gr. a, sem neytandi hefur lagt fram.
Neytandi sem stóðst greiðslumat skv. b-lið 10. gr. a, skal eiga rétt á að breyta eftirstöðvum láns sem tengist erlendum gjaldmiðlum í annan gjaldmiðil hafi eftirstöðvar láns eða reglulegar endurgreiðslur hækkað um 30% eða meira á síðastliðnum fimm árum. Sé ekki mælt fyrir á annan veg í lánasamningi skal miða við nýjasta skráða opinbera viðmiðunargengi Seðlabanka Íslands.
Í lánasamningi skal skilgreina eftirfarandi gjaldmiðla, einn eða fleiri sem annan gjaldmiðil skv. 3. mgr.:
1. Gjaldmiðil sem neytandi fær meiri hluta tekna sinna í samkvæmt greiðslumati.
2. Gjaldmiðil þess ríkis þar sem neytandi er búsettur.
3. Gjaldmiðil þess ríkis þar sem neytandi var búsettur á þeim tíma þegar lánið var veitt.
Neytandi skal upplýstur um rétt sinn samkvæmt þessari grein í lánasamningi.