Ferill 366. máls. Aðrar útgáfur af skjalinu: PDF - Word Perfect.
149. löggjafarþing 2018–2019.
Þingskjal 445 — 366. mál.
Fyrirspurn
til samgöngu- og sveitarstjórnarráðherra um tekjur
og gjaldtöku Isavia á Keflavíkurflugvelli.
Frá Jóni Steindóri Valdimarssyni.
1. Hverjar voru heildartekjur ISAVIA og/eða ríkisins vegna lendingargjalda, farþegagjalda, stæðisgjalda, flugverndargjalda, flugleiðsögugjalda og annarra gjalda sem við kunna að eiga á Keflavíkurflugvelli árin 2013–2018, sundurliðað eftir árum, og:
a. hversu stór fjárhæð var komin fram yfir gjalddaga í lok hvers árs,
b. hve há fjárhæð tapaðist á hverju ári vegna ógreiddra gjalda,
c. hve háir dráttarvextir voru reiknaðir af framangreindum gjöldum sem komin voru í vanskil ár hvert,
d. hve háar eru skuldir flugfélaga sem komnar eru fram yfir gjalddaga og/eða eindaga 1. nóvember 2018?
2. Getur ISAVIA beitt stöðvunarheimild á vélar sem eru í leigu flugfélags fyrir skuldum félagsins sem ekki tengjast þeirri flugvél?
3. Telur ráðherra það ásættanlegt að ISAVIA veiti einstökum flugfélögum greiðslufrest án trygginga á háum fjárhæðum sem eru í vanskilum?
Skriflegt svar óskast.
Greinargerð.
Óskað er eftir því að tölur komi fram í svari ráðherra við 1. tölul. en ekki látið nægja að
vísa á aðrar heimildir. Svar við d-lið 1. tölul. óskast sundurliðað eftir flugfélögum, þó þannig
að nöfn einstakra flugfélaga komi ekki fram.