Ferill 530. máls. Aðrar útgáfur af skjalinu: PDF - Word Perfect.
149. löggjafarþing 2018–2019.
Prentað upp.
Þingskjal 1495 — 530. mál.
Leiðrétt form.
2. umræða.
Nefndarálit með breytingartillögu
um frumvarp til laga um breytingu á ýmsum lögum til innleiðingar á tilskipun (ESB) 2015/1794 um breytingu á tilskipunum 2008/94/EB, 2009/38/EB, 2002/14/EB, 98/59/EB og 2001/23/EB (um farmenn).
Frá velferðarnefnd.
Nefndin hefur fjallað um málið og fengið á fund sinn Gunnar Þorberg Gylfason, Jón Þór Þorvaldsson og Þór Hauksson Reykdal frá félagsmálaráðuneytinu.
Engar umsagnir bárust um málið.
Frumvarpið felur í sér lagabreytingar sem nauðsynlegar eru til innleiðingar á tilskipun Evrópuþingsins og ráðsins (ESB) 2015/1794 frá 6. október 2015 um breytingu á tilskipunum Evrópuþingsins og ráðsins 2008/94/EB, 2009/38/EB og 2002/14/EB og tilskipunum ráðsins 98/59/EB og 2001/23/EB, um farmenn. Markmið tilskipunarinnar er að farmenn geti nýtt sér að fullu rétt sinn til sanngjarnra og réttlátra vinnuskilyrða við hópuppsagnir og aðilaskipti á hafskipum og rétt til upplýsingamiðlunar og samráðs. Um er að ræða réttarbót fyrir farmenn sem gert er ráð fyrir að hafi hvorki áhrif á stjórnsýslu ríkisins né útgjöld ríkissjóð.
Nefndin leggur til nokkrar tæknilegar breytingar, sem felast fyrst og fremst í samræmingu orðalags og fyrirsagna í þeim lögum sem frumvarpið snýr að. Breytingartillögur nefndarinnar hafa ekki efnisleg áhrif á frumvarpið.
Að framangreindu virtu leggur nefndin til að frumvarpið verði samþykkt með eftirfarandi
BREYTINGU:
1. Við 2. gr. bætist nýr liður, svohljóðandi: Fyrirsögn 36. gr. a laganna orðast svo: Innleiðing tilskipana.
2. Við 4. gr. bætist nýr liður, svohljóðandi: Fyrirsögn 11. gr. laganna orðast svo: Innleiðing tilskipana.
3. 6. gr. orðist svo:
Í stað orðsins „svæðisvinnumiðlun“ tvívegis í 2. málsl. 3. gr., 2. mgr. 6. gr., 3. mgr. 7. gr. og 1. og 2. mgr. 8. gr. og í stað orðanna „svæðisvinnumiðlun í því umdæmi þar sem viðkomandi starfsmenn vinna“ í 1. málsl. 1. mgr. 7. gr. laganna kemur: Vinnumálastofnun.
4. Á eftir 6. gr. komi ný grein, svohljóðandi:
Fyrirsögn III. kafla laganna verður: Tilkynning til Vinnumálastofnunar.
5. 7. gr. orðist svo:
Á eftir 13. gr. laganna kemur ný grein, ásamt fyrirsögn, svohljóðandi, og breytist greinatala samkvæmt því:
Innleiðing tilskipunar.
Hanna Katrín Friðriksson, áheyrnarfulltrúi í nefndinni, er samþykk áliti þessu.
Alþingi, 6. maí 2019.
Halldóra Mogensen, form. |
Ásmundur Friðriksson, frsm. | Ólafur Þór Gunnarsson. |
Andrés Ingi Jónsson. | Sigurður Páll Jónsson. | Guðmundur Andri Thorsson. |
Guðmundur Ingi Kristinsson. | Halla Signý Kristjánsdóttir. | Vilhjálmur Árnason. |