Ferill 647. máls. Aðrar útgáfur af skjalinu: PDF - Word Perfect.
151. löggjafarþing 2020–2021.
Þingskjal 1481 — 647. mál.
2. umræða.
Nefndarálit með breytingartillögu
um frumvarp til laga um breytingu á lögum um kosningar til Alþingis, nr. 24/2000 (rafræn meðmæli o.fl.).
Frá meiri hluta stjórnskipunar- og eftirlitsnefndar.
Nefndin hefur fjallað um málið og fengið á sinn fund Bryndísi Helgadóttur skrifstofustjóra og Hjördísi Stefánsdóttur frá dómsmálaráðuneyti og Erlu S. Árnadóttur frá yfirkjörstjórn Reykjavíkurkjördæmis norður.
Nefndinni barst umsögn frá yfirkjörstjórn Reykjavíkurkjördæmis norður.
Í umsögn yfirkjörstjórnar Reykjavíkurkjördæmis norður er gerð athugasemd um notkun hugtaksins „rafræn undirskrift“ í frumvarpinu. Til þess að rafræn undirskrift hafi sömu réttaráhrif og eiginhandarundirritun þarf hún að vera útfærð rafræn undirskrift í skilningi laga um rafræna auðkenningu og traustþjónustu fyrir rafræn viðskipti, nr. 55/2019. Útfærð rafræn undirskrift sé eina rafræna undirskriftin sem sé jafngild eiginhandarundirritun hvað réttaráhrif varðar. Leggur meiri hlutinn því til breytingu þess efnis.
Meiri hlutinn leggur jafnframt til aðrar breytingar á frumvarpinu sem eru tæknilegs eðlis og ekki ætlað að hafa efnisleg áhrif. Að þessu virtu leggur meiri hlutinn til að frumvarpið verði samþykkt með eftirfarandi
BREYTINGU:
1. Á eftir orðinu „með“ í efnismálslið b-liðar 2. gr. komi: útfærðri.
2. Á eftir orðinu „með“ í 1. málsl. 1. efnismgr. b-liðar 3. gr. komi: útfærðri.
3. Í stað orðanna „um atkvæðagreiðslu“ í 5. málsl. b-liðar 8. gr. komi: kjósanda um að greiða atkvæði á dvalarstað.
Alþingi, 19. maí 2021.
Jón Þór Ólafsson, form., frsm. |
Andrés Ingi Jónsson. | Brynjar Níelsson. | |
Guðjón S. Brjánsson. | Hjálmar Bogi Hafliðason. | Kolbeinn Óttarsson Proppé. | |
Líneik Anna Sævarsdóttir. | Óli Björn Kárason. |