Ferill 775. máls. Aðrar útgáfur af skjalinu: PDF - Word Perfect.
151. löggjafarþing 2020–2021.
Þingskjal 1656 — 775. mál.
3. umræða.
Breytingartillaga
við frumvarp til laga um breytingu á lögum um atvinnuleysistryggingar, nr. 54/2006, og lögum um greiðslur til íþróttafélaga vegna launakostnaðar og verktakagreiðslna á tímum kórónuveirufaraldurs, nr. 155/2020 (framlenging úrræða o.fl.).
Frá Önnu Kolbrúnu Árnadóttur.
1. Við 4. gr. bætist nýr liður, svohljóðandi: Í stað orðsins „íþróttafélaga“ í 1. gr. laganna og sama orðs hvarvetna annars staðar í lögunum kemur, í viðeigandi beygingarfalli: íþróttafélaga og æskulýðshreyfinga.
2. Á eftir 4. gr. komi tvær nýjar greinar, svohljóðandi:
a. (5. gr.)
Á eftir orðinu „íþróttastarfi“ í 2. málsl. 2. gr. laganna kemur: og æskulýðsstarfi.
b. (6. gr.)
1. tölul. 3. gr. laganna orðast svo: Íþróttafélag og æskulýðshreyfing: Lögaðili innan vébanda Íþrótta- og Ólympíusambands Íslands, þ.m.t. einstakar deildir sem starfa á vegum lögaðilans, og lögaðili innan Bandalags íslenskra skáta, KFUM og KFUK á Íslandi og annarra samtaka sem hafa í nafni æskulýðsstarfs þjónustusamning við mennta- og menningarmálaráðuneytið, þ.m.t. einstakar deildir sem starfa á vegum lögaðilans.
3. Á eftir 5. gr. komi ný grein, svohljóðandi:
Heiti laganna verður: Lög um greiðslur til íþróttafélaga og æskulýðshreyfinga vegna launakostnaðar og verktakagreiðslna á tímum kórónuveirufaraldurs.
Greinargerð.
