87. FUNDUR
miðvikudaginn 8. júní,
kl. 7.35 síðdegis.
Almennar stjórnmálaumræður.
Umræðurnar skiptust í tvær umferðir og hafði hver þingflokkur átta mínútur í fyrri umferð og fimm mínútur í seinni umferð.
Röð flokkanna var þessi í báðum umferðum: Samfylkingin, Sjálfstæðisflokkur, Flokkur fólksins, Framsóknarflokkur, Píratar, Vinstrihreyfingin-- grænt framboð, Viðreisn og Miðflokkurinn.
Ræðumenn flokkanna voru eftirtaldir:
Fyrir Samfylkinguna töluðu í fyrri umferð Helga Vala Helgadóttir, 4. þm. Reykjavíkurkjördæmis norður, og í þeirri seinni Jóhann Páll Jóhannsson, 11. þm. Reykjavíkurkjördæmis norður.
Ræðumenn Sjálfstæðisflokksins voru Þórdís Kolbrún R. Gylfadóttir utanríkisráðherra í fyrri umferð og Berglind Ósk Guðmundsdóttir, 6. þm. Norðausturkjördæmis, í seinni umferð.
Fyrir Flokk fólksins töluðu Guðmundur Ingi Kristinsson, 9. þm. Suðvesturkjördæmis, í fyrri umferð og Ásthildur Lóa Þórsdóttir, 3. þm. Suðurkjördæmis, í seinni umferð.
Ræðumenn Framsóknarflokksins voru Ingibjörg Isaksen, 1. þm. Norðausturkjördæmis, í fyrri umferð og Stefán Vagn Stefánsson, 1. þm. Norðvesturkjördæmis, í þeirri seinni.
Ræðumenn Pírata voru í fyrri umferð Þórhildur Sunna Ævarsdóttir, 7. þm. Suðvesturkjördæmis, og í seinni umferð Arndís Anna Kristínardóttir Gunnarsdóttir, 11. þm. Reykjavíkurkjördæmis suður.
Fyrir Vinstrihreyfinguna -- grænt framboð töluðu Orri Páll Jóhannsson, 10. þm. Reykjavíkurkjördæmis suður, í fyrri umferð og Bjarni Jónsson, 4. þm. Norðvesturkjördæmis, í seinni umferð.
Fyrir Viðreisn töluðu í fyrri umferð Hanna Katrín Friðriksson, 8. þm. Reykjavíkurkjördæmis suður, og í þeirri seinni Þorbjörg Sigríður Gunnlaugsdóttir, 8. þm. Reykjavíkurkjördæmis norður.
Fyrir Miðflokkinn töluðu Sigmundur Davíð Gunnlaugsson, 7. þm. Norðausturkjördæmis, í fyrri umferð og í þeirri seinni Bergþór Ólason, 8. þm. Norðvesturkjördæmis.
Fundi slitið kl. 21:29.
---------------
