Ferill 283. máls. Aðrar útgáfur af skjalinu: PDF - Word Perfect.
153. löggjafarþing 2022–2023.
Þingskjal 1663 — 283. mál.
Svar
félags- og vinnumarkaðsráðherra við fyrirspurn frá Ásmundi Friðrikssyni um búsetuúrræði umsækjenda um alþjóðlega vernd.
1. Hversu mörg hótel, fjölbýlishús, íbúðir og herbergi hafa verið leigð handa umsækjendum um alþjóðlega vernd á yfirstandandi ári? Svar óskast sundurliðað eftir mánuðum og sveitarfélögum.
Í meðfylgjandi töflu má sjá fjölda herbergja sem íslensk stjórnvöld tóku á leigu á árinu 2022 í tengslum við búsetu umsækjenda um alþjóðlega vernd hér á landi, þ.m.t. hótelherbergi og aðrar herbergjaeiningar, greint eftir mánuðum og sveitarfélögum.
Sveitarfélag | jan | feb | mar | apr | maí | jún | júl | ág | sept | okt | nóv | des | Samtals |
Hafnarfjörður | 92 | 52 | 144 | ||||||||||
Reykjanesbær | 50 | 144 | 21 | 28 | 243 | ||||||||
Reykjavík | 21 | 117 | 33 | 19 | 23 | 40 | 22 | 40 | 315 | ||||
Suðurnesjabær | 52 | 52 | |||||||||||
Vestmannaeyjar | 15 | 15 | |||||||||||
Samtals | 163 | 0 | 117 | 196 | 0 | 85 | 0 | 19 | 44 | 83 | 22 | 40 | 769 |
Á árinu 2023 hafa verið opnuð úrræði í tveimur sveitarfélögum til viðbótar. Þau eru Bláskógabyggð (Laugarvatn) og Grindavík.
2. Hver hefur verið kostnaður ríkisins mánuð hvern á yfirstandandi ári vegna leigu á búsetuúrræðum, öryggiseftirlits, umsjónar húsnæðis og kaupa og viðhalds á heimilistækjum og húsgögnum handa umsækjendum um alþjóðlega vernd?
Í meðfylgjandi töflu má sjá kostnað ríkisins í hverjum mánuði í milljónum króna talið á árinu 2022 vegna leigu á búsetuúrræðum fyrir umsækjendur um alþjóðlega vernd, þ.m.t. vegna öryggiseftirlits, umsjónar húsnæðis og kaupa og viðhalds á heimilistækjum og húsgögnum, eftir því sem við hefur átt.
Mánuður | Kostnaður í millj. kr. |
Janúar | 27,1 |
Febrúar | 27,1 |
Mars | 27,1 |
Apríl | 49,5 |
Maí | 51,2 |
Júní | 59,5 |
Júlí | 59,5 |
Ágúst | 61,4 |
September | 61,4 |
Október | 70,9 |
Nóvember | 70,9 |
Desember | 81,4 |
3. Hver hefur verið meðalfjöldi fermetra á mann í þessum búsetuúrræðum mánuð hvern á yfirstandandi ári?
Í meðfylgjandi töflu má sjá meðaltal fermetra fyrir hvern einstakling í búsetuúrræðum á vegum íslenskra stjórnvalda fyrir umsækjendur um alþjóðlega vernd á árinu 2022, greint eftir mánuðum, en inni í fermetratölunni eru sameiginleg rými sem og rými sem nýtt eru fyrir öryggisverði og starfsmenn Vinnumálastofnunar til viðbótar við það rými sem hver umsækjandi um alþjóðlega vernd hefur til umráða.
Mánuður | Meðaltal fermetra fyrir hvern einstakling |
Janúar | 12,9 |
Febrúar | 12,9 |
Mars | 12,9 |
Apríl | 14,7 |
Maí | 15,8 |
Júní | 16,1 |
Júlí | 16,1 |
Ágúst | 16,3 |
September | 16,3 |
Október | 15,7 |
Nóvember | 15,7 |
Desember | 15,8 |