Ferill 968. máls. Aðrar útgáfur af skjalinu: PDF - Word Perfect.
153. löggjafarþing 2022–2023.
Þingskjal 2295 — 968. mál.
Svar
umhverfis-, orku- og loftslagsráðherra við fyrirspurn frá Andrési Inga Jónssyni um endurskoðun reglugerðar um hollustuhætti.
Fyrirspurnin hljóðar svo:
Hvað líður endurskoðun reglugerðar um hollustuhætti sem samkvæmt svari á þingskjali 905 stóðu vonir til að ljúka í lok febrúar sl.?
Eins og fram kom í svari ráðherra á þingskjali 905 hafði ráðuneytið vonast til að ljúka vinnu við endurskoðun hollustuháttareglugerðar í febrúar síðastliðnum og stefnt var að því að ný reglugerð yrði undirrituð í lok febrúarmánaðar. Þær áætlanir ráðuneytisins stóðust ekki. Ráðuneytið vonast nú til að ljúka vinnu við endurskoðun reglugerðarinnar í desember næstkomandi og að ný reglugerð verði undirrituð í lok árs.