Ferill 321. máls. Aðrar útgáfur af skjalinu: PDF - Word Perfect.
154. löggjafarþing 2023–2024.
Þingskjal 325 — 321. mál.
Fyrirspurn
til innviðaráðherra um framfylgd reglna um rafhlaupahjól.
Frá Steinunni Þóru Árnadóttur.
1. Í hve miklum mæli hefur sektarákvæðum vegna brota á reglum um rafhlaupahjól verið beitt?
2. Er hægt, innan ramma gildandi laga, að innheimta sektir byggðar á staðsetningartækni rafhlaupahjóla?
3. Eru skilgreind svæði þar sem ber að leggja rafhlaupahjólum þegar notkun þeirra og leigu er lokið?
4. Hver er ábyrgð fyrirtækja sem hafa rafhlaupahjól til útleigu í þessum efnum?
5. Hefur ráðherra íhugað að skerpa á reglum eða viðurlögum svo að frágangur á rafhlaupahjólum verði ekki til að hefta umferð og aðgengi fólks sem notar hjálpartæki, svo sem hjólastóla?
Munnlegt svar óskast.