Ferill 455. máls. Aðrar útgáfur af skjalinu: PDF - Word Perfect.
154. löggjafarþing 2023–2024.
Þingskjal 652 — 455. mál.
Svar
heilbrigðisráðherra við fyrirspurn frá Kristrúnu Frostadóttur um kostnað við byggingu hjúkrunarheimila.
Fyrirspurnin hljóðar svo:
1. Hver hefur byggingarkostnaður á fermetra við byggingu hjúkrunarheimila verið síðastliðna tvo áratugi, skipt eftir því hvort ríki, sveitarfélag eða aðrir framkvæmdaraðilar hafa verið byggingaraðilar?
2. Hver hefur byggingarkostnaður á hvert hjúkrunarrými við byggingu hjúkrunarheimila verið síðastliðna tvo áratugi, skipt eftir því hvort ríki, sveitarfélag eða aðrir framkvæmdaraðilar hafa verið byggingaraðilar?
Samkvæmt upplýsingum frá Framkvæmdasýslunni – Ríkiseignum var meðalbyggingarkostnaður samkvæmt skilamötum á fermetra á eftirtöldum hjúkrunarheimilum um 675,3 millj. kr. og meðalbyggingarkostnaður á hvert rými um 47,1 millj. kr., uppreiknað miðað við byggingarvísitölu í október 2023. 1 Samkvæmt viðmiðum ráðuneytisins frá 2022 um stærð og skipulag hjúkrunarheimila er reiknuð stærð á hvert hjúkrunarrými 65 m². Sjá nánari sundurliðun og hlutfallsskiptingu milli ríkis og sveitarfélaga í meðfylgjandi töflu. Ráðuneytið hefur ekki upplýsingar um byggingarkostnað hjúkrunarrýma frá öðrum framkvæmdaraðilum.
| Nafn hjúkrunarheimilis | Verklok | Stærð í m² | Fjöldi rýma | Rými í m² | Stofnkostn. millj. kr.* | Þúsund kr. á m² |
Millj. kr. á rými | Ríki % | Sveitarfélag % |
| Uppsalir, Fáskrúðsfirði | 1999 | 958 | 14 | 68,4 | 575 | 600 | 41,1 | 79,0 | 21,0 |
| Hólmavík | 2003 | 859 | 13 | 66,1 | 449 | 523 | 34,5 | 77,3 | 22,7 |
| Naust, Þórshöfn | 2005 | 487 | 9 | 54,1 | 285 | 586 | 31,7 | 85,0 | 15,0 |
| Kirkjubæjarklaustur | 2007 | 974 | 16 | 60,9 | 601 | 617 | 37,6 | 73,0 | 27,0 |
| Hlíð, Akureyri | 2007 | 3.950 | 60 | 65,8 | 2.367 | 599 | 39,4 | 70,0 | 30,0 |
| Boðaþing 5–7, Kópavogi | 2010 | 2.967 | 44 | 67,4 | 1.695 | 571 | 38,5 | 85,0 | 15,0 |
| Mörk, Reykjavík | 2010 | 7.688 | 110 | 69,9 | 4.560 | 593 | 41,5 | 70,0 | 30,0 |
| Jaðar, Ólafsvík, með tengigangi og aukarýmum | 2011 | 1.194 | 12 | 99,5 | 757 | 634 | 63,1 | 85,0 | 15,0 |
| Hulduhlíð, Eskifirði** | 2014 | 1.497 | 20 | 74,9 | 1.558 | 1.041 | 77,9 | 85,0 | 15,0 |
| Sléttuvegur, Reykjavík | 2020 | 6.435 | 99 | 65,0 | 4.089 | 635 | 41,3 | 85,0 | 15,0 |
| Móberg, Árborg | 2023 | 4.132 | 60 | 68,9 | 3.555 | 860 | 59,3 | 84,0 | 16,0 |
| Stykkishólmur | 2023 | 1278 | 18 | 71,0 | 1078 | 844 | 59,9 | 83,0 | 17,0 |
| Meðaltal | 69,3 | 1797,4 | 675,3 | 47,1 | |||||
| Skýringar á útreikningi á framkvæmdakostnaði með byggingarvísitölu: *Byggingarvísitala Hagstofunnar var notuð til að framreikna framkvæmdakostnað hjúkrunarheimila til október 2023. Þessi aðferð er ásættanleg nokkur ár aftur í tímann en eftir því sem lengra líður frá framkvæmdum eykst kostnaðarskekkjan, þ.e. vanmat á kostnaði eykst. Þess vegna virðast eldri hjúkrunarheimilin vera talsvert ódýrari. **Hjúkrunarheimilið á Eskifirði reyndist mjög dýrt þegar uppi var staðið vegna þess að valinn verktaki þurfti að segja sig frá verkinu þegar 40% af vinnunni var lokið og alvarlegir byggingargallar blöstu við. |
|||||||||
1 Framreiknuð byggingarvísitala eldri heimila getur verið ónákvæm og vert er að taka fram að byggingarkostnaður getur verið mismunandi eftir stærð og fjölda rýma og hvort byggt er á höfuðborgarsvæðinu eða á landsbyggðinni.
