Ferill 684. máls. Aðrar útgáfur af skjalinu: PDF - Word Perfect.
154. löggjafarþing 2023–2024.
Þingskjal 1024 — 684. mál.
Fyrirspurn
til heilbrigðisráðherra um starfsemi Heyrnar- og talmeinastöðvar Íslands.
Frá Birgi Þórarinssyni.
1. Hver voru fjárframlög ríkisins til Heyrnar- og talmeinastöðvar Íslands sl. fimm ár?
2. Hverjar voru árlegar sértekjur Heyrnar- og talmeinastöðvar Íslands sl. fimm ár og hvaðan komu þær?
3. Hversu hátt var árlegt hlutfall sértekna stofnunarinnar sl. fimm ár af heildarrekstrarkostnaði?
4. Hversu margir eru á biðlistum eftir þjónustu frá stofnuninni?
5. Hversu lengi þurfa þeir sem eru á biðlistum að bíða að meðaltali?
6. Til hvaða aðgerða hyggst ráðherra grípa til að stofnuninni verði gert kleift að vinna á löngum biðlistum eftir þjónustu fyrir heyrnarskert fólk um land allt?
7. Hefur ráðherra í hyggju að leggja til breytingar á lögum og reglum um stofnunina og opinbera heyrnarþjónustu til að vinna á löngum biðlistum? Ef svo er, hvernig?
Skriflegt svar óskast.