Ferill 686. máls. Aðrar útgáfur af skjalinu: PDF - Word Perfect.
154. löggjafarþing 2023–2024.
Þingskjal 1027 — 686. mál.
Fyrirspurn
til menningar- og viðskiptaráðherra um Ríkisútvarpið og útvarpsgjald.
Frá Óla Birni Kárasyni.
1. Hvernig hefur fjöldi greiðenda útvarpsgjalds þróast á árunum 2014–2024? Óskað er eftir upplýsingum miðað við 1. janúar ár hvert.
2. Hvernig hefur fjöldi lögaðila sem greiða útvarpsgjald þróast á árunum 2014–2024? Óskað er eftir upplýsingum miðað við 1. janúar ár hvert.
3. Hver hefur fjárhæð útvarpsgjalds verið á hverju ári 2014–2024? Óskað er eftir upplýsingum á verðlagi hvers árs og á föstu verðlagi.
4. Hefur Ríkisútvarpið fengið önnur framlög frá ríkissjóði en af útvarpsgjaldi? Óskað er eftir upplýsingum á verðlagi hvers árs 2014–2024 og á föstu verðlagi. Jafnframt er óskað eftir rökstuðningi að baki framlögum.
Skriflegt svar óskast.
