undirbúningur mögulegrar umsóknar um aðild að Evrópusambandinu.
Virðulegur forseti. Ég þakka hv. þm. Björgvini G. Sigurðssyni svar hans. Mig langar að spyrja hann að öðru. Telur hann að ef samræming næst í utanríkismálanefnd um þessar tvær tillögur og vegvísi þann sem þingflokkar Sjálfstæðisflokks og Framsóknar leggja til og þá tillögu til Alþingis ef að því kemur að farið verði í aðildarviðræður við Evrópusambandið, að þau markmið og þær leiðir sem utanríkismálanefnd kemst að í samvinnu við hagsmunaaðila verði þá fært í hendur svokallaðrar fagnefndar sem tillaga stjórnarflokkanna gerir ráð fyrir og þannig farið í viðræður við Evrópusambandið?