vernd og orkunýting landsvæða.
Herra forseti. Það er náttúrlega með ólíkindum að fjárfesting upp á 270 milljarða á fjögurra ára tímabili skuli ekki hafa áhrif á framgang þessa máls. Þegar verið er að ræða um virkjunarkosti sem okkar helstu sérfræðingar höfðu sett í nýtingarflokk koma stjórnmálamenn að því, kukla á lokametrum málsins og færa þá virkjunarkosti úr nýtingu yfir í bið sem hefur þau áhrif að fjárfesting verður mögulega 270 milljarða kr. lægri en ella. Það er með ólíkindum að sjá forgangsröðun þessarar ríkisstjórnar og að horfa á þá atvinnustefnu sem virðist sérstaklega miða að því að tvöfalda heiðursmannalistann. Það er nú málið þegar menn eru með aðhald í opinberum rekstri gagnvart heilbrigðisstéttum og fleira, þá skulu laun heiðurslistamanna tvöfölduð.