vernd og orkunýting landsvæða.
Virðulegi forseti. Ég vil koma hingað upp og taka undir þær fyrirspurnir sem forseta hafa borist annars vegar um hvort ekki komi til greina að setja önnur mál hér á dagskrá og að þetta mál fái umræðu um dag, ellegar ef það stendur til að halda þessari umræðu áfram held ég að mikilvægt sé fyrir þá þingmenn sem taka þátt í umræðunni — þó ég geti ekki kvartað yfir að hv. formaður umhverfis- og samgöngunefndar og fulltrúar meiri hlutans úr þeirri nefnd séu viðstaddir, finnst mér verulega skorta á að hér séu viðstaddir ráðherrar málaflokkanna sem hafa tengst þessu og að þeir geti þá gripið inn í umræðurnar ef þarf á að halda. Ég vildi athuga hvort forseti gæti gert einhverja gangskör í því að kalla til hæstv. umhverfisráðherra og hæstv. atvinnuvegaráðherra svo við gætum rætt við þá, þar sem það voru jú þeirra ráðuneyti sem lögðu til þessa tillögu.