umræða um 2. dagskrármál.
Herra forseti. Ég var reiðubúin að falla frá orðinu ef hæstv. forseti hefði upplýst eða gefið svar við þeirri spurningu sem lögð hefur verið fram og var lögð fram á síðasta fundi líka. Ég tel afar mikilvægt að skýr svör komi frá hæstv. forseta. Ef ekki hljótum við að fara fram á það að formenn þingflokka verði kallaðir saman og ræði það ef til stendur að taka málið út af dagskrá. Málið er á dagskrá. Ég vil fá skýr svör og óska eftir því við hæstv. forseta hvort það verði ekki örugglega þannig að það verði rætt á eftir.
Mér þótti nefnilega umræðan sem fór fram hér áðan dálítið hættuleg. Mér fannst hættulegt að hæstv. ráðherra gerði sig sekan um það með grímulausum hætti að reyna að hafa áhrif á dagskrá þingsins. Mér þykir afar mikilvægt að hæstv. forseti skýri það og veiti okkur svar um það atriði.