vanhæfni þingmanna til að fjalla um mál.
Herra forseti. Hv. þm. Björn Valur Gíslason kom hér og lýsti yfir áhyggjum sínum af því að ekki væri gætt nægilega að því að þingmenn sem hagsmuni hefðu í ákveðnum málum væru ekki að fjalla um þau í nefndum. Þá kom hér í pontu hv. þm. Vigdís Hauksdóttir (VigH: Þetta er efnisumræða.)og gerði — nei, þetta er um fundarstjórn forseta — því skóna að hann sem varaþingmaður hefði á einhvern hátt ekki rétt til að tjá skoðanir sínar hér í þinginu. Ég vil fá afdráttarlaust frá herra forseta afstöðu til þess hvort orð varaþingmanna hafi annað vægi en aðalmanna hér á þingi. Ég tel það mikilvægt í ljósi þessara aðdróttana.