umferðarlög.
Virðulegur forseti. Ég þakka fyrir þessi skýru og góðu svör og vil hnykkja á þeim tveimur spurningum sem átti eftir að svara.
Hver er ástæðan fyrir því sem fram kemur í 2. gr. frumvarpsins að barn sem er farþegi á bifhjóli, öðru en léttu bifhjóli, þurfi að vera 150 sentimetrar á hæð? Mun það skapa einhver vandamál að fólk á bifhjóli sé með börnin sín sem eru undir þessari stærð á hjólinu?
Gæti hið þarfa mál átt heima í þessu frumvarpi að lækka leyft áfengismagn í blóði niður í 0,2 prómill, eins og lagt er til í frumvarpi um ný umferðarlög og ég held að hljóti að vera almenn sátt um?