séreignarsparnaður og ráðstöfun hans til greiðslu húsnæðislána og húsnæðissparnaðar.
Hér segir hv. þingmaður með miklum sannfæringarkrafti að þessar aðgerðir séu ekki óþarfar. Ég þarf að heyra sterkari fullyrðingar og sterkari röksemdir fyrir því að við eigum að fara í 130–150 milljarða útgjöld úr ríkissjóði. Það er einfaldlega svoleiðis. Ég þarf að heyra að þetta sé fullkomlega bráðnauðsynlegt. Ég þarf að heyra að þetta muni bjarga fólki sem á í miklum skuldavanda. Þetta gerir það ekki. Ég þarf að heyra að þetta bæti forsendur efnahagslífsins, skapi vöxt í framtíðinni, minnki byrðar á komandi kynslóðum. Þetta þarf ég að heyra. Það heyri ég ekki í málflutningi þeirra sem styðja þessar tillögur. Nú er röksemdin orðin sú að þetta sé ekki óþarft. Það eru alls ekki nógu sterk rök.