143. löggjafarþing — 110. fundur, 14. maí 2014.
séreignarsparnaður og ráðstöfun hans til greiðslu húsnæðislána og húsnæðissparnaðar.
484. mál
Virðulegi forseti. Ég fagna þessari tillögu og fagna því að stjórnarflokkarnir standi við kosningaloforð sín, því að það var kosningaloforð beggja flokka, ekkert síður Framsóknarflokksins, að gefa fólki kost á því að velja hvort sparnaður þess færi inn í lífeyrissjóðakerfið eða í fasteignir eða hvort það kysi að eyða honum í eitthvað annað. Það hlýtur að vera fagnaðarefni að fólk hafi val um hvernig það sparar eða hvort það sparar yfirleitt.