144. löggjafarþing — 14. fundur, 6. okt. 2014.
lán Seðlabanka til Kaupþings 2008.
Virðulegur forseti. Ég get ekki annað en endurtekið fyrra svar. Í þessu tilviki og raunar mörgum öðrum, m.a. varðandi lagasetningu, fóru menn ekki eftir hefðbundnum verklagsreglum á þessum tíma.
Hvað varðar þetta tiltekna lán hef ég ekki aðrar forsendur til að meta þá ákvörðun en það sem lýst hefur verið í meðal annars skýrslu rannsóknarnefndar Alþingis. Ég hef ekki hlustað á þetta samtal sem hv. þingmaður vísar til og hef raunar engar frekari upplýsingar um þetta mál en hann.