rekstur Hlíðarskóla.
Virðulegi forseti. Ég þakka þessa umræðu og skýr svör hæstv. menntamálaráðherra.
Það er rétt sem fram hefur komið að þetta hefur verið vandræðamál og komið inn á fjárlög við 3. umr. og verið kastað á milli velferðarráðuneytis og mennta- og menningarmálaráðuneytis. Eftir því sem ég best veit hefur Akureyrarbær verið í samræðum við velferðarráðuneytið en ég veit svo sem ekki hver staðan er á því máli en mér finnst mjög mikilvægt að það verði fundin einhver viðeigandi lausn á þessu. Þetta er gríðarlega mikilvægt meðferðarúrræði og ég veit ekki annað en að árangurinn sé góður. Það er óþolandi að alltaf sé óvissa með reksturinn. Það þarf að finna lausn á þessu.
Það hlýtur að vera næsta skref að Akureyrarbær snúi sér að velferðarráðuneytinu og nái samningi við það.