144. löggjafarþing — 45. fundur, 10. des. 2014.
fjárlög 2015.
1. mál
Virðulegi forseti. Við höfum nú lokið atkvæðagreiðslu eftir 2. umr. fjárlaga og það vekur athygli að forsætisráðherra er ekki viðstaddur þessa mikilvægu atkvæðagreiðslu í stærsta máli hverrar ríkisstjórnar.
Við höfum farið yfir allnokkur mjög stór pólitísk mál í dag, Ríkisútvarpið, sjúklingaskatta o.fl. sem auka ójafnræði í samfélaginu. Forsætisráðherra er ekki hér, hann hefur borið á góma nokkrum sinnum í tengslum við grænt hagkerfi, kostnað við aðstoðarmenn og ýmiss konar undirhlaðning undir eigin embætti.
Ég vil spyrja hæstv. forseta: Er forsætisráðherra erlendis og er hann þá þar í opinberum erindagerðum?
