fjárlög 2015.

Virðulegi forseti. Það er margt í þessu fjárlagafrumvarpi sem er ekki gott en þó margt líka sem er ágætt, sem betur fer. Við sjáum mikið eftir þeim fjármunum sem fara í skuldaniðurfellinguna og höfðum viljað nýta þá fjármuni í annað, t.d. að greiða niður skuldir ríkissjóðs og í uppbyggingu á grunnstoðum. Við hefðum viljað sjá skýrari framtíðarsýn og skýrari stefnu stjórnvalda. Við munum sitja hjá um frumvarpið í heild en greiðum svo atkvæði með og á móti tillögum eftir því sem okkur sýnist.