áætlun um vernd og orkunýtingu landsvæða.

Frú forseti. Eins og fleiri hv. þingmenn kalla ég eftir viðveru hæstv. forsætisráðherra. Hann hefur, sem yfirmaður framkvæmdarvaldsins, talað þannig að um sé að ræða innlegg í kjarasamningaviðræður. Ég taldi hér upp áðan að fyrir lægi áskorun frá einhverjum verkalýðssamtökum og opinberum samtökum eins og BHM, sem er í samningaviðræðum, og ég held áfram á þeirri braut. Hefur ríkissáttasemjari komið að máli við hæstv. forsætisráðherra og talað um að þetta gæti verið einhver lausn á kjarasamningum?

Mér finnst að við sem erum hér á þingi eigum rétt á að vita hvað er að gerast að þessu leyti og vera þátttakendur í því sem er að gerast á þeim vettvangi. Hæstv. forsætisráðherra verður að vera hér í salnum og ræða við okkur þingmenn og gera grein fyrir því hvaða innlegg þetta mál er í kjarasamningaviðræður.