144. löggjafarþing — 141. fundur, 1. júlí 2015.
lögræðislög.
687. mál
Virðulegi forseti. Ég ætla ekki að tíunda það sem áður var sagt en vil þó taka það sérstaklega fram að ef ekki stæði til að fara í heildarendurskoðun á þessum málaflokki gæti ég ekki greitt atkvæði með þessu máli vegna þess að mér finnst þarna ekki nógu langt gengið að ýmsu leyti. Þó tel ég þetta tvímælalaust vera skref í rétta átt, þetta er réttarbót og því mun ég styðja málið.