forritunarkennsla í grunnskólum.
Herra forseti. Ég get ekki verið annað en glöð og sátt við svar hæstv. mennta- og menningarmálaráðherra. Ég geri mér grein fyrir því að þetta er verkefni sem þarf að hlúa að og kannski eru kennarar ekki á hverju strái. En við þurfum að byrja strax, við getum ekki beðið lengur eftir framtíðinni, þetta tekur nokkur ár.
Borgarstjórinn í New York gefur þessu til dæmis tíu ár, til undirbúnings. Mér finnst það náttúrlega fulllangur tími. Engu að síður: Við getum ekki beðið mikið lengur eftir framtíðinni.
En ég þakka bara kærlega fyrir þessa jákvæðni og hvet hæstv. menntamálaráðherra til þess að skilja þessa arfleifð eftir sig í starfi.